2021 йылға тиклем Башҡортостанда газ үткәреүгә 3,6 миллиард һум инвестиция һалынасаҡ

Олег Яровиков, «Газпром» асыҡ акционерҙар йәмғиәтенең матбуғат хеҙмәте

IMPORT Сервисный

ӨФӨ, 2017 йыл, 26 октябрь. /«Башинформ» мәғлүмәт агентлығы/. Мәскәүҙә Башҡортостан Башлығы Рөстәм Хәмитов «Газпром» асыҡ акционерҙар йәмғиәте идараһы рәйесе Алексей Миллер менән осрашты.

Республика Башлығының матбуғат хеҙмәтенән хәбәр итеүҙәренсә, яҡтар хеҙмәттәшлектең мөһим мәсьәләләрен ҡараны. Атап әйткәндә, һүҙ төбәктә газ үткәреү хаҡында барҙы. 2005–2016 йылдарҙа «Газпром»дың республикала газ һуҙыуға 3,8 миллиард һум инвестиция һалыуы, дөйөм оҙонлоғо 483 саҡрым булған 25 ҡасаба-ара газ үткәргес төҙөлөүе билдәләнде. Ошо осорҙа Башҡортостанда «зәңгәр яғыулыҡ» үткәреү кимәле 78,5 проценттан 91 процентҡа тиклем артҡан (Рәсәй буйынса – 67,2 процент).

2017 йылда финанслау күләме – 250 миллион һум. Әлеге ваҡытта «Газпром» Баймаҡ, Баҡалы, Борай, Ҡырмыҫҡалы һәм Өфө райондары биләмәһендә, шулай уҡ Нефтекаманың яңы биҫтәләренә алты газ үткәргес төҙөй. Бынан тыш, Бөрйән һәм Учалы райондарында тағы ике газ үткәргес буйынса проект-смета документацияһы әҙерләнә.

Быйыл октябрь айында Башҡортостан Хөкүмәте һәм «Газпром» 2021 йылға тиклем төбәктә газ һуҙыу һәм газ менән тәьмин итеүҙе үҫтереү программаһын раҫланы. Документ 104 тораҡ пунктта 209 ҡаҙанлыҡҡа, 52 меңдән ашыу йортҡа һәм фатирға газ үткәреүҙе күҙ уңында тота. Компанияның инвестициялары 3,6 миллиард һумға баһалана.

Осрашыуҙа шулай уҡ төбәктә газ-мотор яғыулығы баҙарын үҫтереү хаҡында һүҙ барҙы. Бөгөнгә республикала «Газпром»дың 13 автомобилгә газ тултырыу компрессор станцияһы эшләй, шуларҙың береһе – Өфөлә – 10 октябрҙә файҙаланыуға тапшырылды. Әлеге ваҡытта Сибайҙа яңы станция төҙөү өсөн әҙерлек эштәре алып барыла.

Иҫегеҙгә төшөрәбеҙ, Башҡортостан Республикаһы һәм «Газпром» асыҡ акционерҙар йәмғиәте араһында хеҙмәттәшлек, тәбиғи газды мотор яғыулығы сифатында файҙаланыуҙы киңәйтеү тураһында килешеүҙәр, шулай уҡ Газ үткәреү хаҡында килешеү төҙөлгән. Бынан тыш, яҡтар «Газпром» мәнфәғәтендә республика ойошмаларының юғары технологиялы продукцияһын файҙаланыуҙы киңәйтеү проектының юл картаһына ҡул ҡуйған.

«Газпром – балаларға» программаһы сиктәрендә төбәктә тау саңғыһы спорты буйынса олимпия резервындағы балалар-үҫмерҙәр спорт мәктәбе, күп функциялы спорт майҙансыҡтары һалынған. Өфөлә бассейн, һырғалаҡ һәм универсаль зал булған физкультура-һауыҡтырыу комплексын төҙөү проекты тормошҡа ашырыла.

1 из 4

#сәнәғәт #газпром #башҡортостан башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.