Республикала нефть-газ ҡорамалдары сығарыу заводы төҙөйҙәр һәм арҡандар етештереүҙе яйға һалалар

Олег Яровиков

ӨФӨ, 2017 йыл, 24 октябрь. /«Башинформ» мәғлүмәт агентлығы, Галина Бахшиева/. Башҡортостандың өҫтөнлөклө инвестиция проекттары исемлеге ике яңы объект менән тулыланды. Инвестицияларҙың дөйөм күләме яҡынса 1,5 миллиард һум тәшкил итә. 168 эш урыны булдырыу ҡаралған.

Республика Иҡтисади үҫеш министрлығының матбуғат хеҙмәтенән хәбәр итеүҙәренсә, беренсе проект Күмертау ҡалаһында «Воротыновский» индустриаль паркы биләмәһендә газ һәм нефть табыу буйынса инновацион нефть-газ ҡорамалдарын сығарыу заводы төҙөлөшөн күҙ уңында тота. Өҫтөнлөклө инвестиция проектының инициаторы — «Золотые времена Нефтегаза» яуаплылығы сикләнгән йәмғиәте.

Ошо проектты тормошҡа ашырыу республиканы социаль-иҡтисади үҫтереү өсөн ҙур әһәмиәткә эйә. Һүҙ, атап әйткәндә, Күмертауҙа 100 яңы эш урыны булдырыу, сит ил инвестицияларын йәлеп итеү, бөтә кимәлдәге бюджеттарға һәм бюджеттан тыш фондтарға һалым керемдәрен арттырыу, шулай уҡ төбәкте нефть-газ тармағында үҫтереү хаҡында бара.

Икенсе инвестиция проекты арҡандар етештереүҙе ойоштороуға ҡағыла. Уны «Мечел» төркөмөнә ингән Белорет металлургия комбинаты майҙансығында бойомға ашырыу күҙаллана.

Ошо продукция бөгөн импорт һәм үҙебеҙҙең ҡорамалда ҡулланылған сит ил канаттарын алмаштырасаҡ.

Әлеге мәлдә Башҡортостандың өҫтөнлөклө инвестиция проекттары исемлегендә дөйөм хаҡы 204 миллиард һумдан ашыуыраҡ 38 проект бар. Уларҙы уңышлы тормошҡа ашырған осраҡта төбәктә 11,7 меңдән ашыу яңы эш урыны барлыҡҡа киләсәк.

#инвестиция проекттары #нефть-газ ҡорамалы #арҡандар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.