Урал аръяғын сәнәғәти үҫтереү электр энергияһы етештереүҙең ҡатнаш төрҙәрен талап итәсәк – Рөстәм Хәмитов

Олег Яровиков

IMPORT Сервисный

ӨФӨ, 2017 йыл, 18 октябрь. /«Башинформ» мәғлүмәт агентлығы/. Башҡортостандың Урал аръяғында ҙур сәнәғәт объекттарын төҙөү электр энергияһы дефицитына юл ҡуймау өсөн уны етештереүҙең ҡатнаш төрҙәрен файҙаланыуҙы талап итәсәк. Ошо хаҡта Башҡортостан Башлығы Рөстәм Хәмитов Өфөлә Рәсәй энергетика форумы барышында белдерҙе.

– Урал аръяғында ике предприятие төҙөү күҙаллана. Яҡын арала ҡытай коллегаларыбыҙ төҙөлөш материалдары буйынса ҙур предприятие төҙөй башларға ниәтләй. Ошонда уҡ, Урал аръяғында, яҡынса шундай йүнәлештәге Австрия предприятиеһын төҙөү ҡаралған, – тип һөйләне Рөстәм Хәмитов. – Һәр береһе 150-200 миллион евро самаһы йәки яҡынса 12,5-14 миллиард һум тора. Дөйөм алғанда, беҙ 30 миллиард һумға яҡын инвестициялар алырға тейешбеҙ. Беҙгә 200 МВт билдәләнгән ҡеүәт кәрәк. Әле улар унда юҡ.

Республика башлығы билдәләүенсә, баҡыр-цинк рудаларын табыу менән шөғөлләнгән Урал тау-металлургия компанияһы предприятиелары баҙарҙа әүҙемерәк эшләй башланы, һәм уларға ла өҫтәмә энергия кәрәк.

– Бер һүҙ менән әйткәндә, унда дефицитты бөтөрөү зарур. Электр энергияһы етештереүҙең ҡатнаш төрҙәрен файҙаланырға тура килер, бәлки. Ҡояш электр энергетикаһы барлыҡҡа килде. Хәҙер беҙ газ-турбина технологияһына нигеҙләнгән урынлы энергия ҡулайламаһы төҙөү хаҡында уйлайбыҙ. Был яҡтарҙа ел энергетикаһын ҡулланыу яҡшы булыр ине. Ләкин яҡын-тирәләге төбәктәрҙән электр энергияһын алыу өсөн электр тапшырыу линияһын төҙөргә кәрәк, – тине Рөстәм Хәмитов. – Шул рәүешле ҙур предприятиелар төҙөү менән бәйле килеп тыуған дефицитты алмаштыра һәм электр энергияһы етештереүҙең ҡулай вариантына күсә аласаҡбыҙ. Бүленгән энергетика, энергия етештереүҙең төрлө төрҙәрен ҡулланыу иҫәбенә ошо хәлдән сығасаҡбыҙ.

#энергетика #урал аръяғы #башҡортостан башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.