Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Иҡтисад
16 Октябрь 2017, 12:27

Өфөләге йәрминкәләрҙә картуфтың бер килограмы 18 һумға һатылды

Өфө хакимиәте
Өфө хакимиәте
ӨФӨ, 2017 йыл, 16 октябрь. /«Башинформ» мәғлүмәт агентлығы, Ольга Мортазина/. Өфөнөң Киров районындағы йәрминкәлә Башҡортостандың 32 районы етештереүселәренең продукцияһы тәҡдим ителде. Әлшәй районынан ғына аҙыҡ-түлек тейәлгән 42 йөк машинаһы килде.
81,4 тонна картуф килтерелде, уның бер килограмы 18-20 һумға һатылды. Һуғандың бер килограмын — 15-20, кишер, сөгөлдөрҙө — 20, кәбеҫтәне 10-18 һумға һатып алырға мөмкин ине. Умартасылар йәрминкәлә 4,2 тонна бал тәҡдим итте һәм уны, төрөнә һәм сифатына ҡарап, бер килограмын 350-600 һумға һатты.
Йылы һауа торошон иҫәпкә алып, йәрминкәлә һыуытҡыстары булмаған ябай кәштәләрҙә ит һәм һөт ризыҡтарын һатыу тыйылды, тип иҫкә төшөрҙөләр мэрияла.
Читайте нас в