Республикала икенсел торлаҡҡа хаҡтар төшкән

ӨФӨ, 2017 йыл, 12 октябрь. /«Башинформ» мәғлүмәт агентлығы, Наталья Овчарук/. Domofond.ru порталы аналитиктары илдәге икенсел торлаҡ баҙарын өйрәнгәндән һуң Башҡортостанда милексенән фатирға хаҡтар 0,3% төшкән, тигән һығымтаға килгән. Әле бер квадрат метрҙың уртаса хаҡы 46 888 һумға етә. Ошондай уҡ хәл Удмуртияла (-0,3%), Ырымбур өлкәһендә (-0,4%), Пермь крайында (-0,5%), Силәбе (-1%) һәм Свердловск өлкәләрендә (-1,1%) лә күҙәтелә. Ә бына ут күршебеҙ Ҡазанда хаҡтар, киреһенсә, артҡан. Үҫеш яҡынса 0,4% тәшкил иткән.

Рәсәйҙә икенсел торлаҡҡа хаҡтарҙың уртаса 0,6% кәмеүе күҙәтелә. Айырыуса Ненец автономиялы округында (4,6%) һәм Тывала (3,1%) хаҡтар төшкән. Санкт-Петербургта(+1,4%) һәм Ингушетияла (+1,7%) милексенән фатирҙар ҡиммәтләнгән.