Ғинуарҙан илдә хеҙмәткә түләүҙең минималь күләме 21,7 процентҡа арта

Олег Яровиков

ӨФӨ, 2017 йыл, 13 сентябрь. /«Башинформ» мәғлүмәт агентлығы, Эльмира Сабирова/. 2018 йылдың 1 ғинуарынан хеҙмәткә түләүҙең минималь күләме (МРОТ) 21,7 процентҡа арта, тине Рәсәйҙең хеҙмәт һәм социаль яҡлау министры Максим Топилин.

Федераль ведомство сайтында хәбәр итеүҙәренсә, хеҙмәткә түләүҙең минималь күләмен эшкә һәләтле халыҡтың йәшәү минимумына этаплап еткереү тураһында закон проекты әҙер ҙә инде. Дәүләт башлығының ҡушыуына ярашлы, закон проекты хеҙмәткә түләүҙең минималь күләмен ике этапта: 2018 йылдың 1 ғинуарынан йәшәү минимумынан 85 процентҡа ҡәҙәр һәм 2019 йылдың 1 ғинуарынан 100 процентҡа тиклем арттырыуҙы күҙ уңында тота.

«2018 йылдың 1 ғинуарынан хеҙмәткә түләүҙең минималь күләме 21,7 процентҡа артып, 9489 һум тәшкил итә. 2019 йылдың 1 ғинуарынан хеҙмәткә түләүҙең минималь күләменең абсолют дәүмәле, йәшәү минимумы динамикаһынан сығып, 2018 йылда федераль закон тарафынан билдәләнә», — тип асыҡлыҡ индерҙе Максим Топилин.

Министр һүҙҙәренсә, закон проекты илдең 2018-2020 йылдарға бюджет проекты менән бер үк ваҡытта Дәүләт Думаһына индерелә.

МРОТ йыл һайын федераль закон тарафынан эшкә һәләтле халыҡтың йәшәү минимумынан 100 процент кимәлендә билдәләнәсәк. 2017 йылдың II кварталы өсөн йәшәү минимумы дәүмәле (11 163 һум) иҫәпкә алына.

Теги:хеҙмәткә түләүҙең минималь күләме

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».