Башҡортостанда 1 миллион тоннанан ашыу шәкәр сөгөлдөрөн йыйып алырға ниәтләйҙәр

ӨФӨ, 2017 йыл, 7 сентябрь. /«Башинформ» мәғлүмәт агентлығы, Ольга Мортазина/. Башҡортостанда Әлшәй, Көйөргәҙе һәм Шишмә райондары хужалыҡтары шәкәр сөгөлдөрөн йыйып алыуға тотондо. Был культура 24 районда үҫтерелә. Ауыл хужалығы министрлығында хәбәр итеүҙәренсә, ошо аҙна башында республика буйынса тамыраҙыҡтың уртаса ауырлығы 400 грамдан ашыу ине. Быйыл 1 миллион тоннанан ашыу уңышты йыйып алыу һәм эшкәртеү планлаштырыла.

Шәкәр заводтары сөгөлдөрҙө 10 сентябрҙән эшкәртә башларға йыйына. Раевка заводы тәүлегенә 4,5 мең тонна тамыраҙыҡ эшкәртә ала. Мәләүездеке — 3,6, Шишмәнеке — дүрт мең тоннаға яҡын.