Башҡортостан һәм Өфө яңылыҡтары
70.38
0
76.73
0
80.19
+0.25
-19 °C
Болотло
Бөтә яңылыҡтар
Иҡтисад
29 Август 2017, 17:29

Тәүге ярты йыллыҡта Башҡортостандың тышҡы сауҙа әйләнеше 2,5 миллиард доллар самаһы тәшкил иткән

Карина Камаева
Карина Камаева
ӨФӨ, 2017 йыл, 29 август. /«Башинформ» мәғлүмәт агентлығы, Ольга Мортазина/. Тәүге ярты йыллыҡта Башҡортостандың тышҡы сауҙа әйләнеше 2,449 миллиард доллар самаһы тәшкил иткән. Был уҙған йылдағы ошо уҡ осорға ҡарағанда 20 процентҡа аҙыраҡ, тип хәбәр иттеләр Башҡортостан таможняһында.
Экспорт күләме 22 процентҡа кәмегән, импорттың иһә 1 процентҡа артҡан.
Нигеҙҙә республика минераль продукттарҙы (нефть һәм ҡыуыу продукттары) — сығарылған тауарҙарҙың дөйөм күләменән 65 процент, химия сәнәғәте продукцияһын, каучукты (18,5), машиналар эшләү продукцияһын (10%) экспортҡа оҙатҡан.
Импортта төп урынды машиналар эшләү продукцияһы (49 процент); химия сәнәғәте продукцияһы, каучук (22,7 процент); металдар һәм уларҙан яһалған изделиелар (14,6 процент) биләгән.
Шул осорҙа 114 ил менән тышҡы иҡтисади эшмәкәрлек тормошҡа ашырылған. Экспорттың иң ҙур күләме Латвия (23 процент), Нидерланд (15,7 процент), Ҡытай (8,8 процент), Ҡаҙағстан (8,4 процент), Белоруссия (6 процент) илдәренә тура килгән. Шулай уҡ исемлектә (4,3 процент), Төркиә (3,4), Бельгия (2,4), Польша (2,0), Бөйөк Британия (1,7), Украина (1,7), Алжир (1,6), Германия (1,5), Испания (1,4), Литва (1,3), Эстония (1,2), Ҡырғыҙстан (1,2) бар.
Төбәккә ғәҙәттәгесә Ҡытайҙан (19,6 процент), Германиянан (13,8), Белоруссиянан (13), Ҡаҙағстандан (7,9), АҠШ-тан (4,2), Ирландиянан (3,8), Чехиянан (3,8), Франциянан (3,7), Италиянан (3,1), Нидерландтан (3,0), Һиндостандан (2,3), Швейцариянан (1,8), Даниянан (1,7), Үзбәкстандан (1,5), Ҡырғыҙстандан (1,4), Япониянан (1,4) тауарҙар килтерелә.
«Дөйөм алғанда, тәүге ярты йыллыҡта Волга буйы федераль округының тышҡы сауҙаһында Башҡортостандың әйләнеш өлөшө 10 процент тәшкил итте. Башҡортостан һәм башҡа махсуслаштырылған таможняларҙа теркәлгән Башҡортостан предприятиелары декларациялары нигеҙендә республика тышҡы иҡтисади эшмәкәрлегенең дөйөм картинаһы шундай», — тип билдәләнеләр ведомствола.
Читайте нас в