Башҡортостанда «Бөрө алмаһы» фестивале 2 сентябрҙә үтә

ӨФӨ, 2017 йыл, 28 август. /«Башинформ» мәғлүмәт агентлығы, Ольга Мортазина/. Бөрөлә яҡшы йолаға әүерелгән алма фестивале 2 сентябрҙә үтә, тип хәбәр итте ойоштороусылар. «Тәмле ҡала» тигән ҙур йәрминкә әҙерләнә, унда алма, үҫентеләр, фермер һәм башҡа төрлө продукцияларҙы килтерәсәктәр, алманан бешерелгән бәлештәр күргәҙмәһе, декоратив әйберҙәр һәм сувенирҙар менән «Оҫталар аллеяһы» ойошторола. Ҡунаҡтар «Берендей» дендрологик паркында була, 17 быуат уҡсыларының йылышын ҡарай, Бөрө ҡалаһы буйлап экскурсияла йөрөй аласаҡ. Ул һуңғы йылдарҙа эске туризм баҙарында үҙенең урынын бик әүҙем нығыта.