Өфөлә «Иң яҡшы умартасы» беренсе асыҡ бөтә Рәсәй конкурсы асылды

автор

Галина Бахшиева

ӨФӨ, 2017 йыл, 16 август. /«Башинформ» мәғлүмәт агентлығы, Галина Бахшиева/. Өфөлә «Иң яҡшы умартасы» номинацияһында беренсе бөтә Рәсәй конкурсы асылды. Ул 2021 йылда «Апимондия» халыҡ-ара умартасылар ассоциациялары федерацияһының Умартасылыҡ буйынса конгресын уҙғарыуға Башҡортостандың баш ҡалаһын тәҡдим итеү буйынса Рәсәйҙең ғариза кампанияһы сиктәрендәге төп сараларҙың береһе булараҡ уҙғарыла.

Илдең иң яҡшы умартасыһы исеменә 19 төбәк вәкилдәре көрәшә. Улар араһында – Адыгея, Дағстан, Ҡырым, Мари Иле, Татарстан, Алтай крайы, Байкал аръяғы, Пермь крайы, Калининград, Мәскәү, Новгород, Ырымбур, Ульяновск, Пенза, Тула өлкәләре һәм башҡа төбәк умартасылары. Улар бөтәһе лә – төбәктәрҙә уҙғарылған һөнәри оҫталыҡ конкурсы еңеүселәре.

Башҡортостан Республикаһы исеменән Ишембай районынан Илгиз Шәнгәрәев сығыш яһай.

Конкурс еңеүселәрен бөгөн кисен иғлан итәләр.

Төп бүләк – 300 мең һум. Икенсе урын яулаусы – 200 мең һум, өсөнсө 100 мең һум аласаҡ. Өфөлә бөгөн кискеһен еңеүсегә дипломды Рәсәй хеҙмәт министры урынбаҫары Любовь Ельцова тапшырасаҡ.

«Башҡортостан элек-электән бал төйәге булараҡ дан тота. Беҙҙең бурыс булған баллы башҡорт бал ҡорттарының тоҡомон һаҡлап ҡалыу, уларҙы арттырыу», — тип һыҙыҡ өҫтөнә алды конкурсты асыу тантанаһында Башҡортостан ауыл хужалығы министры Илшат Фәзрахманов.

«Апимондия» халыҡ-ара умартасасылар ассоциациялары федерацияһы етәксеһе Филип Маккейб билдәләүенсә, йәштәр араһында умартасы һөнәрен популярлаштырыу – ассоциациялар федерацияһы эшендә балды законлаштырыу менән бәйле һорауҙар менән бер рәттән төп йүнәлештәрҙең береһе. Бөтә Рәсәй конкурсы сиктәрендә Башҡортостандың иң йәш умартасыһын, иң яҡшы ҡатын ҡыҙ-умартасыны һәм төбәктең иң яҡшы солоҡсоһон атау осраҡлы түгел.

«Йыл һайын бөтә донъяла 1,7 миллион тонна бал етештерелә, уның өстән бер өлөш генә урындарҙа һатыла. «Апимондия» федерацияһының маҡсаты — тағы ла күберәк һәм тик юғары сифатлы бал етештереү», — тип белдерҙе Филип Маккейб.

Үҙ сиратында Рәсәй умартасыларының милли союзы президенты Арнольд Бутов билдәләүенсә, Башҡортостан йылдан-йыл умартасылыҡ өлкәһендә үҙенең алдынғылығын раҫлай.

«Өфөлә хәҙер умартасылыҡтағы бөтә төҫ йыйылған һәм беҙгә бергәләп илдә йәш умартасыларҙы әҙерләү мәсьәләһен хәл итергә кәрәк. Ҡунаҡтар Өфөлә һәм республикала күп яҡшы нәмәне күрер тип ышанам. Бал ҡортон һаҡларға, уны яратырға кәрәк. Бал – ул миллиәт һаулығы».

#умартасылар конкурсы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.