ӨФӨ, 2017 йыл, 8 август. /«Башинформ» мәғлүмәт агентлығы, Ксения Калинина/. Башҡортостан Финанс министрлығы ижтимағи башланғыстар программаһына йомғаҡ яһаны.
РБК-Өфө ведомствоның матбуғат хеҙмәте биргән мәғлүмәттәренә һылтанып хәбәр итеүенсә, ҡалаларҙан йәмғеһе 111 ғариза килгән. Сибай (алты ғаризаның бөтәһе лә еңде) һәм Межгорье (бөтә биш ғаризаһы ла еңде) иң уңышлы ҡалалар булып сыҡты. Иң әүҙем ҡалалар – Нефтекама (20 ғариза бирелгән, 14 еңгән) һәм Стәрлетамаҡ (22 ғариза тапшырылған, 11 еңгән). Өфөнән конкурсҡа 34 ғариза ебәрелгән, һигеҙе һайлап алыу аша үткән.