Благовещен районында социаль-иҡтисади үҫеш тикшерелде

ӨФӨ, 2017 йыл, 31 июль. /«Башинформ» мәғлүмәт агентлығы, Ольга Мортазина/. Благовещен районында социаль-иҡтисади үҫеште тикшерҙеләр. Муниципалитеттың мәғлүмәттәре буйынса, төрлө күрһәткестәрҙең үҫеше 2016 йылдың тәүге ярты йыллығы менән оҡшаш. Ойошмаларҙың әйләнеше былтырғы кимәлгә – 112,4 процент, тейәп ебәрелгән продукцияларҙың, башҡарылған эштәрҙең һәм хеҙмәттәрҙең күләме – 112,2 процент, сәнәғәт етештереү индексы 105,2 процент тәшкил иткән. Һөт һатыу кимәле – 3 процентҡа, ит етештереү 1,3 тапҡырға артҡан. Шулай уҡ торлаҡты файҙаланыуға тапшырыу ҙа былтырғы кимәлдә ҡалған. Уртаса айлыҡ эш хаҡы 9,3 процентҡа үҫкән.

Төп капиталға инвестициялар күләме кеүек күрһәткестәр (уҙған осорҙа 2,1 миллиард һум һалыу менән сағыштырмаса) кәмегән. Шундай уҡ иҫәптә файҙаһыҙ предприятиеларҙың сағыштырма ауырлығы артҡан. Районда тыуым түбәнәйгән.