Башҡортостан Урман хужалығы министрлығы һатыу өсөн 19 участка әҙерләгән

ӨФӨ, 2017 йыл, 31 июль. /«Башинформ» мәғлүмәт агентлығы, Ольга Мортазина/. Башҡортостан Урман хужалығы министрлығы бәләкәй һәм урта эшҡыуарлыҡ субъекттарын тәьмин итеү өсөн урман үҫентеләрен һатыу-алыуға килешеүҙәр төҙөүгә хоҡуҡ биреү буйынса аукциондарға Балаҡатай, Бөрйән, Иглин, Маҡар һәм Туймазы урмансылыҡтары биләмәләрендә дөйөм 13,7 мең кубометр ағас әҙерләү күләме менән 19 лот тәҡдим итә. Шулай уҡ, ведомство уларҙы ҡыҙыҡһындырған урмансылыҡтарҙа аукцион берәмектәрен булдырыу тураһындағы мөрәжәғәттәрҙе ҡарарға әҙер. Һатыуҙарҙа ҡатнышыуға ғаризалар 31 июлдән 18 августҡа ҡәҙәр ҡабул ителә.