Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Иҡтисад
27 Июль 2017, 17:03

Төбәктә араҡы етештереү һиҙелерлек артҡан

Карина Камаева
Карина Камаева
ӨФӨ, 2017 йыл, 27 июль. /«Башинформ» мәғлүмәт агентлығы, Галина Бахшиева/. 2017 йылдың тәүге алты айында республикала алкоголле продукция етештереү 29 процентҡа артҡан. Араҡы етештереү — 31,2%, шараптар, шампан — 14%, һыра — 8,9%.
«Ағымдағы йылдың 1 июленә Башҡортостан биләмәһендәге 5328 сауҙа объектында 1,5 мең ойошма алкоголле продукция һатҡан. Ваҡлап һатыуҙы лицензиялау буйынса дәүләт хеҙмәтен күрһәткән өсөн республика ҡаҙнаһына 44,7 миллион һум күләмендә дәүләт пошлинаһы түләнгән», — тип хәбәр итте коллегия ултырышында Башҡортостандың Сауҙа һәм ҡулланыусылар хоҡуғын яҡлау буйынса дәүләт комитеты рәйесе Гүзәл Аҫылова.
Уның һүҙҙәренсә, лицензиаттар һанының кәмеүенә ҡарамаҫтан, 2017 йылдың ғинуар-июнендә төбәктә легаль алкоголле эсемлектәр һатыу уҙған йылдың ошо осоро менән сағыштырғанда 6,7% артҡан.
Ваҡлап һатыу звеноһында бөтә ерҙә ЕГАИС (Берҙәм дәүләт автоматлаштырылған мәғлүмәт системаһы) системаһын индереү легаль әйләнештең артыуына ыңғай тәьҫир иткән факторҙарҙың береһе булды. Бөгөнгә 350 магазин системаға тулыһынса тоташтырылмаған. Асҡын, Бишбүләк, Бөрө һәм Саҡмағош райондарында ЕГАИС системаһына тоташтырыу яй бара, тип хәбәр итте ведомство башлығы.
Читайте нас: