Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Болотло
Бөтә яңылыҡтар
Иҡтисад
27 Июль 2017, 11:07

Армиянан ҡасып йөрөгәндәргә 10 йыл дауамында дәүләт хеҙмәтендә эшләүҙе тыйҙылар

Олег Яровиков
Олег Яровиков
ӨФӨ, 2017 йыл, 27 июль. /«Башинформ» мәғлүмәт агентлығы, Галина Бахшиева/. Рәсәй Президенты Владимир Путин армия хеҙмәтенән ҡасып йөрөгәндәргә 10 йыл дауамында дәүләт хеҙмәтендә эшләүҙе тыйған законға ҡул ҡуйҙы. Тейешле документ рәсми хоҡуҡи мәғлүмәт порталында баҫылған.
2013 йылда илдә армиянан ҡасып йөрөгәндәргә дәүләт хеҙмәтен тыйған закон ҡабул ителгәйне.
Чечня парламенты Конституция судына ошо норманы конституцияға ҡаршы килә тип таныуҙы һорап мөрәжәғәт итте. Унда ғәмәлдәге ҡануниәт барыһының да закон алдында тигеҙ булыу принцибына ҡаршы төшә һәм граждандарҙың хеҙмәткә хоҡуғын сикләй тип аңлаттылар. 2014 йылдың октябрендә Конституция суды тыйыуҙы законһыҙ тип тапты.
РБК хәбәр итеүенсә, 14 июлдә Дәүләт Думаһы армиянан ҡасып йөрөгәндәргә 10 йылдан һуң дәүләт структураларында вазифа биләргә рөхсәт биргән закон проектын ҡабул итте. Документҡа ярашлы, дәүләт органы йәки предприятие етәксеһе хәрби комиссариаттан хеҙмәткәренең законһыҙ сәбәптәр буйынса хеҙмәттән ҡасып йөрөүе тураһында мәғлүмәт алған осраҡта, уны 10 көн эсендә дәүләт хеҙмәтенән ситләтергә һәм хәрби комиссариатҡа хеҙмәткәрҙе эштән бушатыу хаҡында хәбәр итергә тейеш.
Читайте нас: