Өфөлә «Кроношпан» Европа боландарын үрсетергә йыйына

ӨФӨ, 2017 йыл, 21 июль. /«Башинформ» мәғлүмәт агентлығы, Ольга Мортазина/. Өфөлә «Кроношпан» заводы үҙ биләмәһендә вольер төҙөргә һәм унда боландар ҡарарға йыйына. Мәскәү өлкәһенең Егорьевск ҡалаһындағы «Кроношпан» Европа заводынан килтерелгән хайуандар менән бүлешергә әҙер. Мәскәү өлкәһендә боландар 20-гә еткән. «Кроношпан-Башҡортостан»дың коммерция директоры Барыш Джан һөйләүенсә, зоопарк ҡала халҡын ҡабул итәсәк. Бынан тыш, завод улар өсөн цехтар буйлап экскурсиялар ойошторорға әҙер.

2016 йылда «Кроношпан-Башҡортостан» һынау режимында ағас-юнысҡы плитәләр етештерә башланы. Плитәләр Е1 экологик хәүефһеҙлек класлы тигән марка менән сығарыла.

Әлеге мәлдә завод яртылаш ҡеүәткә эшләй һәм айына 40-45 мең кубометр плитәләр сығара, яҡынса 90 мең кубометр сифатһыҙ ағас материалдары ҡулланыла. Заводта тулыһынса автоматлаштырылған производство менән 264 кеше эшләй.