Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Иҡтисад
20 Июль 2017, 16:04

Өфөләрҙе сираттағы «Еләкле тырыз» йәрминкәһенә саҡыралар

Ғәлиә Нәбиева
Ғәлиә Нәбиева
ӨФӨ, 2017 йыл, 20 июль. /«Башинформ» мәғлүмәт агентлығы, Галина Бахшиева/. 22 июлдә баш ҡалала Спорт һарайы алдындағы майҙанда сираттағы «Еләкле тырыз» йәрминкәһе ойошторола. Унда емеш-еләк үҫтереүселәр — фермер хужалыҡтары, шәхси хужалыҡ милекселәре, шулай уҡ баҡсасылар саҡырыла.
Еләк йәрминкәһе иртәнге сәғәт 9-ҙан көндөҙгө 2-гә тиклем эшләй.
Уҙған шәмбелә ошондай йәрминкәлә 1,9 тоннаға яҡын еләк һатылған. Өфө хакимиәтенең матбуғат хеҙмәтендә билдәләүҙәренсә, Баҡалы һәм Шаран райондары фермерҙары үҫтергән баҡса еләге һатып алыусыларҙа ҙур һорау менән файҙаланған. Шулай уҡ Ҡырмыҫҡалы, Кушнаренко, Туймазы, Өфө һәм башҡа райондарҙың продукцияһы һәм баҡсасылар үҫтергән еләк тәҡдим ителгән.
Бынан тыш, «Еләкле тырыз» йәрминкәһендә үҫентеләр, яңы бәйләнгән миндектәр, халыҡ кәсептәре тауарҙары, икмәкхана ризыҡтары, кондитер изделиелары, бал, йәшел тәмләткестәр һәм баш аҙыҡ-түлек һатып алырға мөмкин ине.
Һатыуға сығарылған продукцияның дөйөм хаҡы 1 миллион һум тәшкил итте. Йәрминкәлә 1,3 меңдән ашыу кеше ҡатнашты.
Читайте нас в