Башҡортостан һәм Өфө яңылыҡтары
92.59
+0.02
100.27
-0.14
85.74
+0.33
1+ °C
Болотло
Бөтә яңылыҡтар
Иҡтисад
18 Июль 2017, 10:51

Күмертауҙа йылдам социаль-иҡтисади үҫеш биләмәһенең буласаҡ резиденты күмер сығарыуҙы тергеҙҙе

ӨФӨ, 2017 йыл, 18 июль. /«Башинформ» мәғлүмәт агентлығы, Ольга Мортазина/. Күмертауҙа «Южуралуголь» яуаплылығы сикләнгән йәмғиәте Маячный ятҡылығының 1-се Төньяҡ участкаһында әҙерлек эштәрен башланы. Предприятие белгестәренең иҫәпләүҙәре буйынса, бында көрән күмерҙең запастары 25 йылға етерлек. Эштәрҙе экскаваторҙар ярҙамында асыҡ ысул менән башҡарыу ҡаралған.
Республика Хөкүмәтендә хәбәр итеүҙәренсә, «Южуралуголь» йылдам социаль-иҡтисади үҫеш биләмәһе резиденты булырға әҙерләнә. Предприятие 50 эш урыны булдырырға ниәтләй. Йылына 250 мең тонна күмер сығарыу күҙаллана. Көрән күмер арзан яғыулыҡ булараҡ ҡулланыла, шулай уҡ унан ашламалар һәм тау балауыҙы әҙерләргә мөмкин.
«Күмертауҙа ҡасандыр ҡаланы данлаған күмер сығарыуҙы тергеҙеүҙең яңы этабы башлана. 27 август — Шахтерҙар көнөн ҡала сығарылған күмерҙең яңы беренсе тоннаһы менән билдәләйәсәк», — тип хәбәр иттеләр төбәк хөкүмәтенең матбуғат хеҙмәтендә.
Читайте нас: