Башҡортостанда почта гәзит-журналдарҙы таратыуға тарифтарҙы арттырманы

ӨФӨ, 2017 йыл, 17 июль. /«Башинформ» мәғлүмәт агентлығы, Ольга Мортазина/. Рәсәй почтаһы сираттағы яҙылыу кампанияһына тарифтарҙы арттырманы, тип хәбәр иттеләр Башҡортостандың федераль почта элемтәһе идаралығында. 2018 йылдың беренсе ярты йыллығына подписка башланды ла инде. «Бынан тыш, Рәсәйҙең Элемтә һәм киң коммуникациялар министрлығы исемлегендәге баҫмаларҙы таратыуға һиҙелерлек ташлама яһала — 20-25%. Уға республикалағы ике йөҙләгән гәзит-журнал инә», — тип иҫкә төшөрҙөләр почта элемтәһе идаралығында.