Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
14 Июль 2017, 09:54

Республикала популяр «Яндекс.Такси» һәм Uber берләшергә булған

автор
автор
ӨФӨ, 2017 йыл, 14 июль. /«Башинформ» мәғлүмәт агентлығы, Ксения Калинина/. Башҡортостанда популяр «Яндекс» һәм Uber компаниялары онлайн сәфәрҙәр заказы буйынса бизнестарҙы берләштерергә һәм уның өсөн яңы компания асырға булған. Берҙәм платформа Рәсәй, Азербайжан, Белоруссия, Әрмәнстан, Грузия һәм Ҡаҙағстан биләмәләрендә эшләйәсәк. Ошо хаҡта үҙ блогында «Яндекс.Такси» генераль директоры Тигран Худавердян хәбәр итте.
Уның һүҙҙәренсә, ике такси сервистары менән ҡулланыусылар өсөн бер нимә лә үҙгәрмәйәсәк – ике ҡушымта ла элеккесә эшләйәсәк. Берҙәм платформаға водителдәр берләшәсәк. Ул буш машиналарҙың иҫәбен арттырыуға булышлыҡ итәсәк, көтөү ваҡытын һәм буш йөрөү ваҡытын ҡыҫҡартасаҡ. Водителдәр сәғәтенә күберәк заказ аласаҡ, ә пассажирҙар өсөн осһоҙ сәфәр хаҡы һаҡланасаҡ.
Uber һәм «Яндекс» яңы компанияға 225 миллион һәм 100 миллион доллар инвестицияларға ҡарар иткән. Уның хаҡын 3,725 миллиард долларға баһаланған. Компанияның 59,3 проценты – «Яндекс»тыҡы, 36,6 проценты – Uber компанияһыныҡы, 4,1 проценты хеҙмәткәрҙәрҙеке буласаҡ.
«РИА Новости» агентлығының мәғлүмәттәре буйынса, Рәсәй Федераль монополияға ҡаршы хеҙмәте Рәсәйҙә һәм күрше илдәрҙә онлайн такси сервистарын берләштереү буйынса килешеү тураһында «Яндекс» һәм Uber компанияларының үтенес документын алмаған әле.
Федераль монополияға ҡаршы хеҙмәтенең элемтә һәм мәғлүмәт технологияларын контролдә тотоу идаралығы етәксеһе Елена Заева аңлатыуынса, компанияның өлөштәре үтенес документы тапшырылғандан һуң уны бөтә яҡтан тикшереү барышында билдәләнәсәк.
Автор:Ксения Калинина
Читайте нас: