Башҡортостан һәм Өфө яңылыҡтары
91.33
+0.49
98.72
+0.18
83.39
+1.48
-14 °C
Болотло
Бөтә яңылыҡтар
Иҡтисад
11 Июль 2017, 07:51

Төбәктә юҡҡа сыҡҡан сәсеүлек майҙандарын яҡынса 400 миллион һумға баһаланылар

ӨФӨ, 2017 йыл, 11 июль. /«Башинформ» мәғлүмәт агентлығы, Галина Бахшиева/. Башҡортостанда ҡойма ямғырҙар тупраҡтың артыҡ дымланыуына һәм игендең юҡҡа сығыуына килтерҙе. РБК-Өфө сайтының мәғлүмәттәре буйынса, әлеге ваҡытта төбәк хөкүмәтендә яуым-төшөм сәбәпле 107 хужалыҡ зыян күргән 13 районда ғәҙәттән тыш хәл режимын индереү тураһында документ әҙерләнә.
Башҡортостан Ауыл хужалығы министрлығының үҫемлекселек һәм мал аҙығын етештереү бүлеге етәксеһе Азат Мөхәмәтшиндың һүҙҙәренсә, 22 мең гектар майҙанда иген юҡҡа сыҡҡан. Яҡынса мәғлүмәттәр буйынса, был зыян 400 миллион һумдан ашыуға баһалана.
Синоптиктарҙың фараздары буйынса, яҡын көндәрҙә һауа торошо республика биләмәһендә ярайһы уҡ үҙгәрмәйәсәк. Аҙыраҡ яуым-төшөм төбәктең үҙәк өлөшөндә көтөлә, төньяҡ райондарҙа ҡойма ямғырҙар дауам итәсәк.
Автор:Галина Бахшиева
Читайте нас в