Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-4 °C
Ҡар
Бөтә яңылыҡтар
Иҡтисад
7 Июль 2017, 08:10

Башҡортостанда сирле ҡайын урмандарын ҡырҡалар

БР Урман хужалығы министрлығы
БР Урман хужалығы министрлығы
ӨФӨ, 2017 йыл, 7 июль. /«Башинформ» мәғлүмәт агентлығы, Ольга Мортазина /. Башҡортостанда бактериялы һарыу һыу ауырыуы менән сирләгән ҡайынлыҡтарҙы дауалайҙар һәм ҡырҡалар. Башҡортостан Урман хужалығы министрлығында хәбәр итеүҙәренсә, Рәсәй урман һағы мәғлүмәттәре буйынса, сирле урмандарҙың майҙаны 5,6 мең гектар (республикала бөтәһе 1,26 миллион гектар самаһы ҡайын урманы) тәшкил итә. Иң ҙур майҙандар Салауат (1790 гектар), Әлшәй (587 гектар), Бәләбәй (402 гектар), Дыуан (260 гектар), Балаҡатай (227 гектар) райондары биләмәһендә урынлашҡан. Был ауырыуҙан дауалау алымы юҡ, шуға сирле ағастарҙы утынға әҙерләйҙәр.
Белгестәр аңлатыуынса, сирле ҡайындарҙа шешмәктәр барлыҡҡа килә, уларҙың эсендә һыу йыйыла. Ҡатламы айырылған ҡабығы тиҙ кибә, шешмәктән төҫһөҙ шыйыҡса ағып сыға. Кибә тороп, аҡҡан шыйыҡсаның эҙҙәре һоро-ҡыҙғылт көрән төҫкә әйләнә. Аҡрынлап, түбәһенән алып ағас кибә.
Төбәктә алдағы бер нисә йыл элек күҙәтелгән ҡоролоҡ, ҡағиҙә булараҡ, сирҙең сәбәбе булып тора, уның арҡаһында ағастар хәлһеҙләнә лә инде.
Автор:Ольга Мортазина
Читайте нас: