Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-8 °C
Болотло
Бөтә яңылыҡтар
Иҡтисад
6 Июль 2017, 15:57

Рәсәйҙең Ауыл хужалығы министрлығы «Башҡорт балы»н сит илгә һатыуға сығарырға ниәтләй

Андрей Старостин
Андрей Старостин
ӨФӨ, 2017 йыл, 6 июль. /«Башинформ» мәғлүмәт агентлығы, Ольга Мортазина/. Рәсәйҙең Ауыл хужалығы министрлығы етештерелгән урыны яҙылған илебеҙҙең традицион продукцияһын тышҡы баҙарға һатыуға сығарырға ниәтләй, тип хәбәр итә «Известия» гәзите. Ведомство «Агросәнәғәт продукцияһы экспортлау» өҫтөнлөклө проекты сиктәрендә Ауыл хужалығы продукцияһына булышлыҡ итеү һәм үҫтереү концепцияһын әҙерләй. Эксперттар билдәләүенсә, хәҙер сит илдә Рәсәй аҙыҡ-түлеген насар беләләр — уның экспорт структураһындағы өлөшө 5% ҡына. Сифатлы продукцияны тышҡы баҙарға сығарыу туризмды үҫтереүгә лә ярҙам итер, тип иҫәпләй белгестәр.
Әңгәмәләшеүселәр экспорт өсөн Вологда майын, башҡорт балын, «Нарзан» минераль һыуын, Алтай сырын, Краснодар шарабын, Луховицк ҡыярҙарын атаған. Хәйер, һуңғылары «үтмәйәсәк»: илебеҙҙә үҫтерелгән йәшелсәләр биологик һәм агрохимик составтары буйынса сит ил стандарттарына тап килмәй.
Программа сиктәрендә хөкүмәт ауыл хужалығы продукцияһы һәм аҙыҡ-түлек хәүефһеҙлеген тәьмин итеү системаһын яңыртырға, шулай уҡ үҫемлектәрҙең һәм хайуандарҙың һаулығын күҙәтеүгә һәм тауарҙың етештерелеүен контролгә алырға ниәтләй. Концепцияның проекты 10 июлдән һуң тикшереүгә сығарыла.
Читайте нас в