Башҡортостан һәм Өфө яңылыҡтары
87.37
-0.59
94.08
-0.18
85.65
-0.36
12+ °C
Болотло
Бөтә яңылыҡтар
Иҡтисад
29 Июнь 2017, 10:26

Банктарҙа хеҙмәтләндереүҙә баш тартыласаҡ клиенттарҙың исемлеге барлыҡҡа килде

ӨФӨ, 2017 йыл, 29 июнь. /«Башинформ» мәғлүмәт агентлығы, Галина Бахшиева/. Рәсәй финанс мониторингы, Рәсәй банкы һәм банктар финанс ойошмалар хеҙмәтләндереүҙә баш тартҡан шикле клиенттар тураһындағы мәғлүмәт менән алмашына башланы. Ошо хаҡта «Известия» гәзите хәбәр итә.
Баҫманың мәғлүмәттәре буйынса, 200 мең шикле клиенттар менән тәүге исемлекте банктар алды. Ошо базаға ингән клиенттарҙың иҫәп асҡанда һәм финанс операциялар уҙғарғанда ҡыйынлыҡтар менән осрашыуы ихтимал.
Рәсәй финанс мониторинг идаралығында билдәләүҙәренсә, кешенең базаға инеүе «кредит ойошмаларҙа хеҙмәтләндереүгә кире ҡағыу өсөн сәбәп булып тормай». Шул уҡ ваҡытта, банктар исемлектәге клиенттарға иғтибар итергә тейеш, тип аңлаттылар ведомствола.
Банктар һәм кредит булмаған финанс ойошмалар әгәр клиенттың операциялары аҡса төшөрөү йәки финанс терроризм билдәһе аҫтына тап килһә уны хеҙмәтләндәреүҙән баш тарта ала. Ошо клиенттар тураһында мәғлүмәт Рәсәй финанс мониторингына оҙатыла. Хеҙмәтләндереүҙә кире яуап алған кеше башҡа финанс ойошмаһына мөрәжәғәт итә һәм операцияны йәнә уҙғарып ҡарай ала.
Автор:Галина Бахшиева
Читайте нас: