Башҡортостанда ер һөрөү буйынса Рәсәй чемпионатында иң яҡшы тракторсы иғлан ителәсәк

Олег Яровиков

ӨФӨ, 2017 йыл, 27 июнь. /«Башинформ» мәғлүмәт агентлығы, Галина Бахшиева/. Быйыл Башҡортостанда уҙасаҡ ер һөрөү буйынса Рәсәйҙең VI асыҡ чемпионаты сиктәрендә иң яҡшы ауыл хужалығы етештереү тракторисы-машинисы иғлан ителәсәк.

«Һөнәре буйынса иң яҡшы» бөтә Рәсәй һөнәри оҫталыҡ конкурсы 30 июндә Өфө районында үтә.

Ошо уҡ көндө аграр вакансиялар йәрминкәһен һәм «Рәсәй йәштәр агросәнәғәт комплексында — уңыш факторҙары» түңәрәк өҫтәлен уҙғарыу күҙаллана, тип хәбәр иттеләр республиканың Хеҙмәт министрлығы матбуғат хеҙмәтендә.

Белгестәрҙең фекеренсә, һуңғыһы тәжрибә уртаҡлашыу, профессоналдарҙың эшлекле аралашыуы өсөн һөҙөмтәле майҙансыҡҡа әйләнәсәк һәм төбәктең агросәнәғәт комплексына квалификациялы кадрҙар йәлеп итергә ярҙам итәсәк.

«Башинформ» агентлығы хәбәр иткәнсә, ер һөрөү буйынса Рәсәйҙең асыҡ чемпионаты Өфө районында 30 июненән 1 июленә ҡәҙәр үтә.

Чемпионатты ойоштороусылар булып Башҡортостан хөкүмәте, төбәктең Ауыл хужалығы министрлығы һәм «Росагролизинг» акционерҙар йәмғиәте сығыш яһай.

Башҡортостан командаһы составына биш кеше инде. Улар араһында — Башҡорт дәүләт аграр университеты студенттары Әлиә Яҡупова, Гөлназ Яҡупова һәм Урал аръяғы агросәнәғәт колледжы студенты Гөлиә Иҫәндәүләтова, шулай уҡ Мәләүез районының «Ашҡаҙар» ауыл хужалығы етештереү кооперативынан Илдар Ишекәев һәм Стәрлетамаҡ районының «Агрофирма Салауат» яуаплылығы сикләнгән йәмғиәтенән Римир Ғизәтуллин.

Автор:Галина Бахшиева

Теги:ер һөрөү буйынса рәсәй чемпионаты һөнәре буйынса иң яҡшыһы

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».