Төбәктә шәхси йорттар аҡрынлап осһоҙлана

ӨФӨ, 2017 йыл, 20 июнь. /«Башинформ» мәғлүмәт агентлығы, Ольга Мортазина/. Башҡортостанда шәхси йорттар баҙары аҡрынлап осһоҙланыуын дауам итә. Һуңғы бер йыл эсендә (2016 йылдың йәйенән алып) ул хатта бер аҙға артҡан: «Фатирҙар донъяһы» федераль порталы мәғлүмәттәре буйынса, йорт хаҡының уртаса ҡиммәтләнеүе 2,2 процент тәшкил итә. Әммә ағымдағы йылдың ғинуар айында ярты процентҡа төшкәндә уртаса хаҡы 5,5 миллион һум тора.

Шәхси сектор илдең байтаҡ төбәктәрендә осһоҙлана. Хаҡтар ныҡ төшкән: Удмуртияла (-7,2 процент) һәм Силәбе өлкәһендә (-6,8 процент), Карелияла (3,9 процент) күпкә артҡан. Ҡурған өлкәһе – иң осһоҙ шәхси сектор төбәге – бер йорт 1,7 миллион һум. Иң ҡиммәт күсемһеҙ милек – ғәҙәттәгесә Мәскәүҙә, Мәскәү эргәһендә, Санкт-Петербургта, Ҡырымда, Ставрополдә, Кубанда. Сайттың һуңғы мәғлүмәттәре буйынса, уларҙа йорт биләүе (элитанан тыш) 9,1-24,5 миллион һум тәшкил итә.