Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Иҡтисад
16 Июнь 2017, 08:58

Баш ҡалала аэропорт яғына киткән юлда йәйәүлеләр өсөн ер өҫтө үткәүеле төҙөлә башланы

Өфө хакимиәте
ӨФӨ, 2017 йыл, 16 июнь. /«Башинформ» мәғлүмәт агентлығы, Ольга Мортазина/. Өфөлә Спутник биҫтәһе янында аэропорт яғына киткән юлда йәйәүлеләр өсөн ер өҫтө үткәүеле төҙөлә башланы. Объект республика Башлығы Рөстәм Хәмитовтың ҡушыуы буйынса һалына. Граждандарҙы ҡабул итеү барышында уға транспорт проблемаһы һәм йәйәүлеләр өсөн үткәүел булмау хаҡында һөйләп, урындағы ҡатын мөрәжәғәт итте. Күп кенә кешеләр һигеҙ һыҙатлы юғары тиҙлекле трасса аша үтергә мәжбүр. Яҡындағы туҡталышҡа тиклем 2,5 саҡрым ара. Был хәл республика Башлығының асыуын килтерҙе. «Асыҡ яланда, тейешле инфраструктураһыҙ ҡасаба төҙөйҙәр. Кешеләр яфалана, балалар һәм уҡыусылар күп, «Металлобаза» туҡталышына тиклем алыҫ», — тип билдәләне ул, биҫтәлә транспорт проблемаһын хәл итергә һәм үткәүел төҙөлөшөн тиҙләтергә ҡушып.
Эш свай нигеҙен ҡуйыуҙан башланды. Объекттың оҙонлоғо – 58 метр. Коридорҙы 54 светодиодлы лампа яҡтыртасаҡ. Йөрөй алмаған кешеләр өсөн күтәреп-төшөрә торған платформа ҡаралған. Үткәүел урынында ике йүнәлештә лә йәмәғәт транспорты туҡталышы төҙөләсәк. Төҙөлөштө ағымдағы йылдың дүртенсе кварталында тамамлау күҙаллана.
Автор:Ольга Мортазина