Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
15 Июнь 2017, 07:08

Башҡортостандың рәсми делегацияһы эш сәфәре менән Ҡытайҙа

БР Иҡтисади үҫеш министрлығы
БР Иҡтисади үҫеш министрлығы
ӨФӨ, 2017 йыл, 15 июнь. /«Башинформ» мәғлүмәт агентлығы, Галина Бахшиева/. Башҡортостандың рәсми делегацияһы эш сәфәре менән Ҡытай Халыҡ Республикаһында. Делегацияны республика Хөкүмәте Премьер-министры Рөстәм Мәрҙәнов етәкләй.
Эш сәфәре сиктәрендә Пекинда Бөтә Ҡытай йәштәр федерацияһы, Юлдар һәм күперҙәр төҙөү буйынса Ҡытай корпорацияһы вәкилдәре менән осрашыу, Башҡортостандың инвестиция өҫтөнлөктәре, Башҡорт дәүләт университеты менән таныштырыу ҡаралған.
Артабан Хэфэй ҡалаһында Аньхой провинцияһы губернаторы һәм Цзянси провинцияһы вице-губернаторы менән осрашыу күҙалланған. Бынан тыш, Башҡортостан делегацияһы Рәсәйҙең Волга буйы федераль округы һәм Ҡытай Халыҡ Республикаһының Янцзы йылғаһының юғары, урта ағымы төбәктәре араһында хеҙмәттәшлек буйынса совет ултырышында ҡатнашасаҡ.
Башҡортостан Иҡтисади үҫеш министрлығының матбуғат хеҙмәтендә хәбәр итеүҙәренсә, 14 июндә Пекинда Ҡытайҙың төп халыҡ берләшмәләренең береһе һәм 300 миллион самаһы кеше иҫәпләнгән Ҡытайҙағы иң ҙур ижтимағи йәштәр ойошмаһы – Бөтә Ҡытай йәштәр федерацияһы етәкселеге һәм активы менән осрашыу үтте.
Башҡорт дәүләт университетында Рәсәй-Ҡытай студенттар бизнес-инкубаторын булдырыу тураһында килешеүгә өлгәшелде.
Ҡытайҙың иң ҙур дүрт дәүләт учреждениеһына ингән Юлдар һәм күперҙәр төҙөү буйынса Ҡытай корпорацияһы етәкселеге менән һөйләшеүҙәр эшлекле программаның киләһе пункты булды. Яҡтар Башҡортостан Республикаһында инфраструктура проекттарын төҙөү мөмкинлектәрен тикшерҙе. Осрашыу аҙағында Башҡортостан Хөкүмәте менән Юлдар һәм күперҙәр төҙөү буйынса Ҡытай корпорацияһы араһында хеҙмәттәшлек тураһындағы меморандумға ҡул ҡуйылды.
Автор:Галина Бахшиева
Читайте нас: