Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
13 Июнь 2017, 09:58

Рәсәй иҡтисады өсөн төп хәүефтәр аталды — «Известия» гәзите

Олег Яровиков
Олег Яровиков
ӨФӨ, 2017 йыл, 13 июнь. /«Башинформ» мәғлүмәт агентлығы, Ксения Калинина/. Кипрҙа Cbonds халыҡ-ара конференцияһында Рәсәй иҡтисады өсөн төп хәүефтәр аталды. «Известия» гәзите хәбәр итеүенсә, ул – нефтҡә хаҡтарҙың төшөүе, Америка Ҡушма Штаттары власының сәйәсәте, технологияларҙың үҫеше һәм глобаль баҙарҙа капитал ағымындағы үҙгәрештәр.
Иҡтисади үҫеш министрлығының макроиҡтисад анализы һәм фараздар департаментының элекке етәксеһе Кирилл Тремасовтың иҫәпләүе буйынса, ике төп хәүеф бар – нефткә хаҡтарҙың төшөүе һәм технологияларҙың үҫеше. Һүҙ нефткә хаҡтарҙың түбәнәйеүенә йоғонто яһаусы технологиялар хаҡында бара. Мәҫәлән, һәүерташ энергетика ресурстарын табыуҙы киңәйтеү.
Америка Ҡушма Штаттарының тышҡы сәйәсәте Рәсәй иҡтисады өсөн төп саҡырыуҙарҙың береһе, тип атай белгестәр. Аналитиктарҙың фекеренсә, Ҡушма Штаттар глобаль капиталь ағымы динамикаһында даими рәүештә үҙгәрештәрҙе ҡуҙғата. Ул күбеһенсә донъя иҡтисадына, шул иҫәптән Рәсәй баҙарына ла йоғонто яһай.
Үҙәк банк етәксеһе Эльвира Нәбиуллинаның фекеренсә, Рәсәй иҡтисадының үҫеше һөҙөмтәле финанс институттарын талап итәсәк.
Автор:Ксения Калинина
Читайте нас: