Башҡортостан һәм Өфө яңылыҡтары
69.34
0
75.41
0
86.41
-1.06
-10 °C
Болотло
Бөтә яңылыҡтар
Иҡтисад
8 Июнь 2017, 08:42

Төбәктең ауыл хужалығы министры сәсеү кампанияһы барышына һауа торошоноң нисек йоғонто яһауын һөйләне

Олег Яровиков
Олег Яровиков
ӨФӨ, 2017 йыл, 8 июнь. /«Башинформ» мәғлүмәт агентлығы, Ольга Мортазина/. Быйыл Башҡортостан аграрийҙары оҙаҡҡа һуҙылған яҙ арҡаһында сәсеү кампанияһын өс аҙнаға һуңыраҡ башланы, әммә былтырғы күрһәткестәрҙе ҡыуып етеп, көслө ямғырҙарға ҡәҙәр эштәрҙе тамамлап өлгөрҙө.
«Һәр район дәррәү эшләне, кем яҡшыраҡ, кем насарыраҡ булды тип бүлә алмайым. Һәр аяҙ көндө һәм хатта төндө лә файҙаландылар, — тип һөйләне журналистарға республиканың ауыл хужалығы министры Илшат Фәзрахманов. — Быйыл тәүлегенә иң күбе 137 мең гектарға сәстеләр. Былтырғы «уңышлы» көн 120 мең гектарға еткәйне. Сәсеү эштәрен тамамлап та өлгөрҙөк – көслө ямғырҙар ҙа башланды. Саҡ ҡына ҡарабойҙай һәм кукуруз сәсергә ҡалды, әммә ваҡыт бар әле, был йылы яратыусы культуралар. Быйылғы йылдың үҙенсәлеге – бер үк ваҡытта дым ҡаплатыу, ужым һәм күп йыллыҡ культураларҙы туҡландырыу, яҙғы культуралар сәсеү».
Май айында яуым-төшөм норманан бер ярым тапҡырға күберәк булды, тип хәтергә төшөрҙө министр. «Был насар түгел – ғәҙәттә, тупраҡҡа һыу етмәй. Фараздар буйынса, ямғырҙар аҙна аҙағынаса барасаҡ, киләһе аҙна йылы булырға тейеш һәм эштәр дауам итәсәк», — тине ул. Ведомство башлығы әйтеүенсә, ямғырҙар химик утау графигын боҙҙо, әммә икенсе яҡтан, һыуыҡта «үҫентеләр әүҙем үҫешмәй, сүп үләндәре лә үҫмәй».
Дөйөм 360 мең гектар ужым культураларының 21 мең гектарын яңынан сәсергә тура килде. «Учалыла һәм төньяҡ-көнсығышта ҡырау булды, — тип аңлатты министр. — Дөйөм алғанда, ҡайтанан сәсеү нормаға ярашлы».
Ауыл хужалығы продукцияһы етештереүселәренең алдағы пландарында – мал аҙығын әҙерләү.
Автор:Ольга Мортазина
Читайте нас в