Өфөлә «Рәсәй төбәктәрендә космик эшмәкәрлек» форумы үҙ эшен башланы

ӨФӨ, 2017 йыл, 8 июнь. /«Башинформ» мәғлүмәт агентлығы, Гөлфиә Акулова/. 8 июндә Өфөлә «Рәсәй төбәктәрендә космик эшмәкәрлек: файҙаланыу һөҙөмтәләре һәм үҫеш мөмкинлектәре» форумы үҙ эшен башланы. Ойоштороусылар — «Рәсәй космик системалары» акционерҙар йәмғиәте һәм Башҡортостан операторы «Транспорт навигация үҙәге».

Сараға 100-ҙән ашыу ҡатнашыусы – федераль һәм төбәк башҡарма власть органдары, «Ространснадзор» вәкилдәре, илебеҙҙең ҡорамалдар һәм программа тәьминәтен әҙерләүселәр, телекоммуникация хеҙмәттәре баҙары лидерҙары, Рәсәй ҡануниәтен үтәү өлкәһендәге юридик консультанттар йыйылған, тип хәбәр итә баш ҡала хакимиәте.

Ике көнлөк форум барышында ойоштороу һәм техник моделдәр, космик эшмәкәрлек һөҙөмтәлерен файҙаланыуҙың иҡтисади һәм юридик аспекттары, программа тәьминәтенең юғары технологиялы эштәре нигеҙендә төбәк навигация-мәғлүмәт үҙәктәре эшмәкәрлегенең перспективалы йүнәлештәре, федераль селтәр операторы һәм төбәк ҡулланыусыларын космик эшмәкәрлек һөҙөмтәләре менән тәьмин итеүҙең Дәүләт мәғлүмәт-аналитика системаһы инфраструктураһын булдырыу буйынса проекттар тәҡдим ителәсәк.