Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Иҡтисад
26 Май 2017, 18:19

Өфөлә муниципаль ерҙең хаҡы үҙгәрҙе

Олег Яровиков
Олег Яровиков
ӨФӨ, 2017 йыл, 26 май. /«Башинформ» мәғлүмәт агентлығы, Галина Бахшиева/. Муниципаль милектә булған ер участкаларының хаҡын билдәләүгә һәм ошо участкаларҙа урынлашҡан бина, төҙөлөш һәм ҡорамалдар хужаларына уларҙы һатҡанда хаҡ түләүгә ҡағылышлы Өфө ҡала Советының ҡарарына үҙгәрештәр индерелде.
Документҡа ярашлы, 2015 йылдың 1 июленән 2017 йылдың 31 декабренә ҡәҙәр участканың хаҡы «ғариза биреүсенең мөрәжәғәт итеү ваҡытында ғәмәлдәге ер участкаһының кадастр ҡиммәтенән 50 процент күләмендәге хаҡ буйынса» иҫәпләнә.
2018 йылдың 1 ғинуарынан 1 июленә тиклем – ер участкаһының кадастр ҡиммәтенән 75 процент күләмендәге хаҡ буйынса.
2018 йылдың 1 июленән ғариза тапшырыусының мөрәжәғәт итеү ваҡытында булған ер участкаһының кадастр ҡиммәтенә тиң хаҡ буйынса, «әгәр башҡа нәмә федераль ҡануниәт менән ҡаралмаһа».
Автор:Галина Бахшиева
Читайте нас: