Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-7 °C
Болотло
Бөтә яңылыҡтар
Иҡтисад
24 Май 2017, 09:54

Башҡортостанда өс йылда 2700 лифтты алмаштырыу күҙаллана

автор
автор
ӨФӨ, 2017 йыл, 24 май. /«Башинформ» мәғлүмәт агентлығы, Ксения Калинина/. Башҡортостандың Торлаҡ-коммуналь хужалыҡ министрлығы 2020 йылға тиклем иҫкергән һәм файҙаланыу өсөн эшкә яраҡһыҙ тип танылған лифттарҙы алмаштырыу буйынса план әҙерләгән. Хәҙер ошо программаға аҡса бүлеү тураһындағы төбәк хөкүмәтенең ҡарар проекты бөтә кәрәкле килешеүҙәрҙе үтә. Был турала РБК-Өфө хәбәр итә.
2018-2020 йылдарҙа республикала бөтәһе 2700 – йылына 900-шәр лифтты алмаштырыу күҙаллана. Сығымдарҙың дөйөм суммаһы 5,4 миллиард һум – йылына 1,8-шәр миллиард һум тәшкил итәсәк. Шуның 900 миллион һумы – республика ҡаҙнаһынан, 4,5 миллиард һумы – капиталь ремонт фондынан.
Башҡортостандың торлаҡ-коммуналь хужалыҡ министры урынбаҫары Альфред Зиннәтуллин аңлатыуынса, был һандар – тик проект ҡына. Киләһе йылға финанслау күләме буйынса һуңғы ҡарарҙар әлегә юҡ. Быйыл властар 300 лифтты йүнәтергә ниәтләй. Ошо маҡсатҡа 600 миллион һум бүленгән.
Матбуғат мәғлүмәттәре буйынса, бөгөн республиканың торлаҡ фондында эшләгән 9000 лифт кабинаһының өстән бер өлөшө тиерлек алмаштырыуға мохтаж. Бер яңы кабинаны һатып алыу һәм ҡуйыу яҡынса ике миллион һумға барып баҫасаҡ.
Автор:Ксения Калинина
Читайте нас в