Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Иҡтисад
22 Май 2017, 12:28

Башҡортостанда йылдам социаль-иҡтисади үҫеш биләмәләренең яңы резиденттары менән килешеүҙәр төҙөлдө

ӨФӨ, 2017 йыл, 22 май. /«Башинформ» мәғлүмәт агентлығы, Галина Бахшиева/. Башҡортостанда «Бәләбәй» һәм «Күмертау» йылдам социаль-иҡтисади үҫеш биләмәләренең тағы ла өс резиденты менән килешеүҙәргә ҡул ҡуйылды. Был турала республика Иҡтисади үҫеш министрлығының матбуғат хеҙмәтендә хәбәр иттеләр.
«Күмертау» йылдам социаль-иҡтисади үҫеш биләмәһендә 2017 йылдың мартында булдырылған бер юлы ике яңы юридик берәмек теркәлгән. Улар — «Ойлтиммаш» (нефть ҡорамалдары етештереү) һәм «БашИнком 1» (минераль ашламалар) яуаплылығы сикләнгән йәмғиәттәре.
«Бәләбәй» йылдам социаль-иҡтисади үҫеш биләмәһендә 2016 йылдан металл конструкциялары етештереү менән шөғөлләнгән «АММА» ғилми-производство предприятиеһы менән килешеү төҙөлгән.
Ошо инвестиция проекттарын тормошҡа ашырыу 600 миллион һумдан ашыу инвестиция йәлеп итергә һәм 1200 самаһы эш урыны булдырырға мөмкинлек бирәсәк.
«Башинформ» агентлығы хәбәр иткәнсә, май башында Башҡортостан Башлығы Рөстәм Хәмитов Күмертауҙа инвесторҙар – йылдам социаль-иҡтисади үҫеш биләмәһенең потенциаль резиденттары менән осрашты. Был аҙнала Бәләбәйҙә ошондай осрашыу планлаштырылған.
Ул саҡта Күмертауҙа Рөстәм Хәмитов инвестиция сәйәсәте эшмәкәрлектең өҫтөнлөклө йүнәлеше булыуын һыҙыҡ өҫтөнә алды. 2016 йыл йомғаҡтарына ярашлы, Башҡортостан инвестиция эшмәкәрлеген үҫтереү темптары буйынса Волга буйы федераль округында беренсе урынды биләй. Илдәге 10 йылдам социаль-иҡтисади үҫеш биләмәһенең икәүһе – Күмертау һәм Бәләбәй – республикала урынлашҡан.
«Беҙ бөтә хөкүмәт менән йылдам үҫеш биләмәләре буйынса Күмертау һәм Бәләбәй проекттары өҫтөндә эш алып барабыҙ , – тине Башҡортостан башлығы. – Шәхсән үҙем Күмертауҙа, Бәләбәйҙә бөтә шарттар һәм ысын мәғәнәһендә ғәмәлдә булған йылдам үҫеш биләмәләрен булдырыу өҫтөндә эшләйәсәкмен».
Читайте нас: