Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
22 Май 2017, 09:25

Башҡортостанда эшһеҙҙәрҙең 59 проценты – ҡатын-ҡыҙҙар

Олег Яровиков
Олег Яровиков
ӨФӨ, 2017 йыл, 22 май. /«Башинформ» мәғлүмәт агентлығы, Галина Бахшиева/. Йыл башынан Башҡортостанда 15,6 меңгә яҡын кеше эшһеҙ статусын алған. Бер йыл элек бындай статус 19,2 меңдән ашыу кешегә бирелгәйне.
Башҡортостан Хеҙмәт һәм халыҡты социаль яҡлау министрлығының һуңғы мәғлүмәттәре буйынса, төбәктә 23,6 меңдән ашыу рәсми теркәлгән эшһеҙ иҫәпләнә. Уларҙың 59 проценты – ҡатын-ҡыҙҙар. Хәҙер мәшғүллек хеҙмәтендә иҫәптә торғандарҙың яртыһы тиерлек урта һәм башланғыс профессиональ белемгә эйә.
Республикала эшһеҙҙәрҙең күпселеге йәғни 59 процентҡа яҡыны ҡалала йәшәй. Эшһеҙҙәрҙең яртыһынан күберәге (54 проценты) үҙ теләге буйынса эштән киткән. Төбәктәге эшһеҙҙәр иҫәбендә инвалидтарҙың өлөшө бөгөнгә алты процент тәшкил итә.
Башҡортостанда теркәлгән эшһеҙлек кимәле 1,17 процентҡа тиң. Шул рәүешле Өфөлә ул 0,97 процент. Ҡалалар буйынса уртаса – 1,04 процент, райондар буйнса – 1,24 процент.
Республиканың Хеҙмәт министрлығында билдәләүҙәренсә, 32 муниципалитетта эшһеҙлек кимәле Башҡортостан буйынса уртасаға ҡарағанда кәмерәк. Әлеге ваҡытта Сибайҙа, Ишембайҙа, Мәләүездә, шулай уҡ Миәкә, Ҡариҙел, Өфө, Нуриман һәм Йылайыр райондарында иң түбән эшһеҙлек кимәле билдәләнә.
Ағиҙелдә, Межгорьела, шулай уҡ Шишмә, Балаҡатай һәм Күгәрсен райондарында эшһеҙлек юғары кимәлдә һаҡланып ҡала.
Автор:Галина Бахшиева
Читайте нас: