Сәсеү буйынса иң юғары күрһәткестәр – Башҡортостандың Урал аръяғы далаһы һәм тау-урман зонаһы райондарында

Олег Яровиков

ӨФӨ, 2017 йыл, 19 май. /«Башинформ» мәғлүмәт агентлығы, Галина Бахшиева/. Бөгөнгө көнгә Башҡортостанда сәсеү эштәре буйынса иң юғары күрһәткестәр Урал аръяғы далаһы һәм тау-урман зонаһы райондарында билдәләнә. 186 мең гектар майҙанда яҙғы сәсеү эштәре башҡарылған, ул пландың 73 процентын тәшкил итә. Алдынғылар иҫәбендә – Баймаҡ һәм Әбйәлил райондары, уларҙың аграрийҙары 64,1 һәм 49,5 мең гектарҙа иген сәскән.

Башҡортостан Ауыл хужалығы министрлығының матбуғат хеҙмәте хәбәр итеүенсә, Урал алды далаһында 678 мең гектар сәселгән йәғни пландың 70 проценты үтәлгән. Бында иң яҡшы күрһәткестәр Әлшәй һәм Стәрлебаш райондары игенселәрендә – 47,7 һәм 36 мең гектар.

Көньяҡ урман-дала райондарында яҙғы сәсеү эштәре 350 мең гектар майҙанда тамамланған, ул 69 процент. Иң яҡшы өс район исемлегендә – Ауырғазы, Илеш һәм Шаран – 46,1 мең, 50,8 мең һәм 25,3 мең гектар.

Төньяҡ урман-дала зонаһына ҡараған 14 район аграрийҙары әлеге ваҡытта 205 мең гектарҙа иген сәскән йәғни пландың 63 процентын үтәгән. Иң яҡшы күрһәткестәр Балтас һәм Яңауыл райондарында – 28,1 һәм 22,7 мең гектар.

Төбәктә сәсеү эштәре буйынса иң түбән күрһәткестәр – Төньяҡ-көнсығыш урман-дала райондарында. Бында 55 мең гектарҙа сәселгән, пландың 52 проценты үтәлгән.

Башҡортостан Ауыл хужалығын консультациялау үҙәге мәғлүмәттәре буйынса, яҙғы бөртөклө һәм ҡуҙаҡлы культуралар бөтәһе 1,474 миллион гектар майҙанда сәселгән, ул пландың 68 процентын тәшкил итә. Һуңғы тәүлек эсендә биш процентҡа үҫеш билдәләнгән, тип хәбәр иттеләр аграр ведомствола.

Автор:Галина Бахшиева

Теги:ауыл хужалығы яҙғы баҫыу эштәре

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».