Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Иҡтисад
19 Май 2017, 12:22

«Россельхознадзор» Белоруссиянан һөт продукцияһын индереүҙе сикләне

Олег Яровиков
Олег Яровиков
ӨФӨ, 2017 йыл, 19 май. /«Башинформ» мәғлүмәт агентлығы, Галина Бахшиева/. «Россельхознадзор» Рәсәйгә Белоруссиянан ҡоро һөт, сыр, май һәм киптерелгән һөт порошогын индереүҙе ваҡытлыса тыйҙы.
Белоруссиялағы бер нисә предприятиела етештерелгән һөт аҙыҡтарында йәнә линкомицин, натамицин, ципрофлоксацин, шулай уҡ тилозин табылды.
«Кобрин май һәм сыр яһау заводы», «Молодечно һөт комбинаты», «Новогрудок байлыҡтары һөт компанияһы», «Пружаны һөт комбинаты», «Слуцк сыр яһау комбинаты» асыҡ акционерҙар йәмғиәттәренән, шулай уҡ предприятиеның Любань филиалынан аҙыҡ-түлек индереү ваҡытлыса тыйылды.
Ведомствола билдәләүҙәренсә, һуңғы ваҡытта Рәсәйгә Белоруссиянан Евразия иҡтисади союзы һәм Рәсәй Федерацияһының ветеринария һәм санитария талаптарына, нормаларына тап килмәгән малсылыҡ продукцияһын индереү осраҡтары йыш теркәлә.
15 майҙа «Россельхознадзор» Беларусь Республикаһы Ауыл хужалығы һәм аҙыҡ-түлек министрлығының аҙыҡ-түлек һәм ветеринария күҙәтеүе департаментына Рәсәйгә «юғары хәүефле продукция» ебәреүен туҡтатыуҙы һорап мөрәжәғәт итте.
Ләкин Белоруссия яғы был үтенескә әһәмиәт бирмәне. Өҫтәүенә Ветеринария һәм фитосанитар күҙәтеү буйынса федераль хеҙмәт Белоруссия предприятиеларының ҡабаттан хоҡуҡ боҙоуҙарын асыҡланы.
Читайте нас: