Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-4 °C
Ҡар
Бөтә яңылыҡтар
Иҡтисад
17 Май 2017, 07:54

Төбәк аграрийҙары тәүлек эсендә 130 мең гектарҙан ашыу майҙанға сәсте

ӨФӨ, 2017 йыл, 17 май. /«Башинформ» мәғлүмәт агентлығы, Галина Бахшиева/. Һуңғы тәүлек эсендә Башҡортостан аграрийҙары дөйөм алғанда 130 мең гектар майҙанға сәсте. Төбәктә яҙғы сәсеү буйынса үҫеш алты процент тәшкил итте, тип хәбәр иттеләр Башҡортостан Ауыл хужалығы министрлығының матбуғат хеҙмәтендә.
Яҙғы сәсеү эше 1,225 миллион гектарҙа башҡарылды, ул пландың 57 проценты. Уларҙан 910 мең гектарҙа – планлаштырылған күләмдең 63 процентында бөртөклө һәм ҡуҙаҡлы культуралар сәселгән.
Әлеге ваҡытта 24 районда – борсаҡ, 21-ендә – һоло, бишәүһендә – арпа, берәүһендә бойҙай сәселеп бөткән. Бөрйән районы игенселәре республикала беренселәрҙән булып бойҙай сәсеү эшен тамамланы.
Автор:Галина Бахшиева
Читайте нас: