Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Иҡтисад
12 Май 2017, 10:09

Республикала яҙылыу декадаһы бара: илтеп биреүгә 40 процентҡаса ташламалар

ӨФӨ, 2017 йыл, 12 май. /«Башинформ» мәғлүмәт агентлығы, Ольга Мортазина/. 11 майҙан 21-нә ҡәҙәр илебеҙҙә Бөтә Рәсәй яҙылыу декадаһы уҙа. Рәсәй почтаһы, ташламаларға өҫтәп, баҫмаларҙы илтеп биреүгә хаҡтарҙы төшөрә. Каталог буйынса яҙылған предприятиелар өсөн үҙәк баҫмаларға – 10, республика һәм урындағы киң мәғлүмәт сараларына 15 процент ташлама ҡаралған. Башҡа яҙылыу агентлыҡтарының каталогтары буйынса – 5 һәм 10 процент.
Бер үк ваҡытта Рәсәйҙең Элемтә һәм киң коммуникациялар министрлығы ҡарамағындағы төбәк матбуғат киң мәғлүмәт саралары буйынса Эксперттар советы исемлегенә ингән баҫмаларға ташлама һаҡлана. Ул Рәсәй почтаһы каталогы буйынса – 25 йәки башҡа агентлыҡтарҙың каталогтары буйынса 20 процент тәшкил итә. Ошо исемлеккә 150-нән ашыу республика киң мәғлүмәт сараһы инә. Һөҙөмтәлә ошо декадала яҙылыусылар өсөн илтеп биреүгә ташламалар 40 процентҡаса етеүе мөмкин.
2016 йылдың декабрендәге яҙылыу декадаһында республикала 83 мең яҙылыу рәсмиләштерелгән, тип хәбәр иттеләр Федераль почта элемтәһенең Башҡортостан буйынса идаралығында.
Автор:Ольга Мортазина
Читайте нас в