Республикала субсидиялар иҫәпләү өсөн II кварталда торлаҡ «квадрат»ының хаҡы раҫланды

ӨФӨ, 2017 йыл, 5 май. /«Башинформ» мәғлүмәт агентлығы, Ольга Мортазина/. Башҡортостанда Төҙөлөш һәм архитектура буйынса дәүләт комитеты II кварталда ҡала һәм райондарҙа бер квадрат метр торлаҡтың уртаса баҙар хаҡы күрһәткестәре тураһында бойороҡ сығарҙы. Был күрһәткестәр торлаҡ шарттарын яҡшыртыуға мохтаждарға социаль түләүҙәр иҫәпләү өсөн ҡулланыла. Мәҫәлән, Өфөлә йәш ғаиләләргә бүленә торған субсидиялар иҫәпләү өсөн квадрат метрҙың хаҡы 36 132 һум күләмендә раҫланған. Башҡа граждандар категорияһына субсидиялар иҫәпләү өсөн күрһәткес – 37 200.

Башҡа ҡала һәм райондар өсөн күрһәткестәрҙе документта ҡарарға мөмкин. Ауыл муниципалитеттарында «квадрат» өсөн хаҡ 28-30 мең һум, ҡалаларҙа – 27,6 меңдән Ағиҙел һәм 31 меңгә тиклем – Октябрь һәм Стәрлетамаҡ өсөн.