Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Иҡтисад
4 Май 2017, 07:05

Башҡортостанда ауыл хужалығы кооперативтарына ярҙамға 30 миллион һум йүнәлтеләсәк

Олег Яровиков
Олег Яровиков
ӨФӨ, 2017 йыл, 4 май. /«Башинформ» мәғлүмәт агентлығы, Дарья Петрова/. 2017 йылда ауыл хужалығы етештереү кооперативтарына ярҙамға 30 миллион һум самаһы бүленә. Башҡортостан Республикаһы Дәүләт Йыйылышының Аграр мәсьәләләр, экология һәм тәбиғәттән файҙаланыу буйынса комиссия ултырышында ошондай һандар яңғыраны.
Дәүләт Йыйылышы депутаттары алдында сығыш яһап, республиканың ауыл хужалығы министры урынбаҫары Ләлә Дәүләтбаева төбәктә 2015 йылдан алып кооперативтарҙың матди-техник базаһын үҫтереү буйынса грант программаһы эшләүе хаҡында һөйләне. Был ваҡыт эсендә дәүләт ярҙамы менән алты кооператив файҙаланды, грант ярҙамының дөйөм суммаһы 31 миллион һумдан күберәк тәшкил итте. Әлеге ваҡытта төбәктә бөтәһе 49 ауыл хужалығы ҡулланыусылар кооперативы теркәлгән. Уларҙың 32 ысынлап эшләй: 18 тәьмин итеү – һатыу, алты эшкәртеү һәм һигеҙ кредит ойошмаһы.
«Ауыл хужалығы кооперативтары бөгөн ауыл хужалығы тауарҙарын етештереүселәр кеүек бөтә төр ярҙам алыуға хоҡуҡлы, әммә, ҡыҙғанысҡа ҡаршы, улар яғынан ажиотаж юҡ, — ти Ләлә Дәүләтбаева. — Шуға ҡулланыусылар кооперацияһы менән шөғөлләнергә теләүселәргә консультация һәм методик ярҙам күрһәтеү өҫтөндә эшләйбеҙ».
Ауыл хужалығын консультациялау үҙәгенә һәм Ауыл хужалығы тауарҙарын етештереүселәр союзына башланғыс ойошмаларға методик ярҙам күрһәтеүҙә ҙур роль бүленә. Министр урынбаҫары һүҙҙәренсә, Ауыл хужалығын консультациялау үҙәгендә проект офисы булдырыу буйынса эш алып барыла, ул «проектты ғәмәлгә ашырыуҙа мәғлүмәти-методик үткәргес» булырға тейеш.
Автор:Дарья Петрова
Читайте нас в