Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Иҡтисад
3 Май 2017, 14:32

Башҡортостан халҡы банктарҙан 19,5 миллиард һумлыҡ кредит алған

ӨФӨ, 2017 йыл, 3 май. /«Башинформ» мәғлүмәт агентлығы, Ольга Мортазина/. Берләшкән кредит бюроһы мәғлүмәттәре буйынса, ағымдағы йылдың беренсе кварталында Башҡортостан халҡы банктарҙан дөйөм күләме 19,496 миллиард һумлыҡ 187 760 кредит алған. Был уҙған йылдың беренсе кварталына ҡарағанда 12 процентҡа күберәк.
Кредит алыу йәһәтенән иң әүҙем 10 төбәк рейтингында республика алтынсы урында тора. Башҡортостан ҡулаҡса менән кредит алыу күләме буйынса ла алтынсы урынды биләй: 12,448 миллиард һумлыҡ 146 меңгә яҡын кредит бирелгән, уртаса чек — 85,26 мең.
Башҡортостан автокредиттар күләме буйынса бишенсе баҫҡыста: 1,7 миллиард һумлыҡ 2,83 мең займ, уртаса чек — 601,1 мең. Банктар республика халҡына күләме 1,8 миллиард һумдан ашыуыраҡ 36 мең кредит картаһы тапшырған, уртаса чек 50 мең тәшкил иткән.
Читайте нас в