Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-4 °C
Ҡар
Бөтә яңылыҡтар
Иҡтисад
27 Апрель 2017, 10:15

Пассажирҙар һәм йөк ташыусы автомобиль операторҙары яҡын киләсәктә «осоусы» таксиҙы эшләтеп ебәреүҙе өйрәнә

ӨФӨ, 2017 йыл, 27 апрель. /«Башинформ» мәғлүмәт агентлығы, Артём Вәлиев/. Өфөләге такси саҡыртыу менән мәшғүл халыҡ-ара компания 2020 йылда «осоусы» таксиҙы һынап ҡарарға ниәтләнеүе хаҡында белдерҙе. Компанияның тәүге осоусы аппараттары Берләшкән Ғәрәп Әмирлектәре һәм Америка Ҡушма Штаттары ҡаларында барлыҡҡа килеүе ихтимал.
Һауа аша пассажирҙарҙы ыҡсым ғына, вертикаль рәүештә күтәрелгән һәм төшкән осоусы аппараттар ташыясағы күҙаллана. Яҡынса иҫәптәр буйынса, «осоусы» таксиҙа юл хаҡы бер саҡрымға 50 һум самаһы тәшкил итәсәк. Ул классик таксиҙағы бизнес-класс тарифынан саҡ ҡына ҡиммәтерәк.
Алдан хәбәр ителгәнсә, «осоусы» такси сифатында Көйөргәҙе районында проектланған һәм етештерелгән бәләкәй габаритлы Rotor-fly («Ротор-флай») пассажирҙар вертолётын ҡулланырға мөмкин. Ротор-флайҙы уйлап сығарған конструкторҙар уның нигеҙендә шәп оса торған бәләкәй габаритлы вертолёт эшләй. Бының өсөн улар ҡатмарлы мәсьәләне сисә – горизонталь килеш осҡанда вертолёт ҡалаҡтарынының боролошо өсөн механизм уйлап сығарыу. Һынауҙар уңышлы үтһә, яңыртылған Rotor-fly горизанталь килеш сәғәтенә 560 саҡрым тиҙлектә осай аласаҡ.
Автор:Артём Вәлиев
Читайте нас: