Башҡортостан һәм Өфө яңылыҡтары
91.12
-0.19
98.31
-0.17
82.14
-1.02
12+ °C
Ямғыр
Баш
Рус
Eng
Бөтә яңылыҡтар
Иҡтисад
24 Апрель 2017, 16:19
Республикала йорт төҙөлөшөндә өлөшләтә ҡатнашыу буйынса ҡыҙыу элемтә эшләй башланы
Олег Яровиков
ӨФӨ, 2017 йыл, 24 апрель. /«Башинформ» мәғлүмәт агентлығы, Галина Бахшиева/. Башҡортостандың Төҙөлөш һәм архитектура буйынса дәүләт комитеты аҡсаларын төҙөлә башлаған объекттарға һалырға теләгән өлөшсөләр һәм инвесторҙар өсөн махсус рәүештә ҡыҙыу элемтә асты.
Әлеге ваҡытта республика биләмәһендә 173 төҙөүсе күп фатирлы йорт һалыу менән шөғөлләнә.
Дөйөм майҙаны 2,7 миллион квадрат метрлыҡ 482 күп фатирлы йорт төҙөлә башлаған. Был хаҡта төбәк Хөкүмәте ултырышында Башҡортостандың Төҙөлөш һәм архитектура буйынса дәүләт комитеты рәйесе Хәлит Мәхмүтов хәбәр итте.
Уның фекеренсә, граждандарҙың аҡсаларын маҡсатлы файҙаланыуҙы тикшереүҙән тыш, төҙөлөш барышында төҙөүселәрҙең эшенә контролде көсәйтергә кәрәк. Шуға күрә төҙөлөштә өлөшләтә ҡатнашыусылар баҙарын тикшереү өсөн махсус ҡыҙыу элемтә асылды.
Ҡыҙыу элемтә телефоны: (347) 218-08-81. Шылтыратыуҙар эш көндәрендә иртәнге сәғәт 9-ҙан киске 6-ға тиклем ҡабул ителә.
Теги:
төҙөлөш
торлаҡ
ҡыҙыу элемтә
Читайте нас: