Башҡортостан һәм Өфө яңылыҡтары
69.59
+0.26
75.78
+0.37
84.68
+0.18
-8 °C
Болотло
Бөтә яңылыҡтар
Иҡтисад
14 Апрель 2017, 17:33

Республикала йылдам үҫеш биләмәләре резиденттары исемлеген бәләкәй эшҡыуарлыҡ вәкилдәре тулыландырасаҡ

Олег Яровиков
Олег Яровиков
ӨФӨ, 2017 йыл, 14 апрель. /«Башинформ» мәғлүмәт агентлығы, Галина Бахшиева/. Тиҙҙән Башҡортостанда йылдам үҫеш биләмәләре резиденттары исемлеген бәләкәй эшҡыуарлыҡ вәкилдәре тулыландырасаҡ. Был хаҡта тура эфир барышында республика Башлығы Рөстәм Хәмитов белдерҙе.
Әлеге ваҡытта йылдам үҫеш биләмәләре резиденты статусын һәм уның өсөн ҡаралған һалым льготаларын алыу өсөн проектҡа инвестициялар 5 миллион һум самаһы тәшкил итергә тейеш. Яңы производствола мәшғүл хеҙмәткәрҙәрҙең һаны кәм тигәндә 20 кеше булыуы зарур.
«Мин ошо сикте кәметеү тәҡдиме менән сығыш яһаным. Инвестициялар 2,5 миллион һум, ә предприятиела эшләүселәр һанын 10 кешегә тиклем кәметеү өсөн. Ошондай предприятие ойошторған эшҡыуар әлеге льготаларҙы алһын өсөн, — тип билдәләне Рөстәм Хәмитов. — Хөкүмәт мине хупланы. Хәҙер тейешле ҡарар әҙерләнә. Күмертауҙа ла, Бәләбәйҙә лә эшҡыуарҙарҙан ғаризалар булыр, тип ышанам».
Читайте нас в