Күп функциялы үҙәктәрҙә һалым түләүселәр өсөн Асыҡ ишектәр көнө уҙғарыла

ӨФӨ, 2017 йыл, 11 апрель. /«Башинформ» мәғлүмәт агентлығы, Галина Бахшиева/. 14 һәм 15 апрелдә күп функциялы «Минең документтарым» үҙәктәренең 17 офисында һалым түләүселәр өсөн Асыҡ ишектәр көнө уҙғарыла. Һалым хеҙмәте хеҙмәткәрҙәре кемгә физик берәмектәр килеменә һалым буйынса декларация тапшырыу кәрәклеге, декларацияны нисек тултырыу һәм тапшырыу, һалымдан тотоп ҡалған аҡсаны алыу һәм Рәсәй Федераль һалым хеҙмәте сервистары менән ҡулланыу хаҡында һөйләйәсәк, шулай уҡ һалым һалыу буйынса башҡа һорауҙарға яуап бирәсәк.

Барлыҡ теләүселәр кәрәкле мәғлүмәттәр һәм документтар булғанда шунда уҡ НДФЛ буйынса һалым декларацияһын тултырып тапшыра ала.

«Һалым хеҙмәтенең асыҡ ишектәр көнө» акцияһы түбәндәге күп функциялы үҙәктәрҙең офистарында үтә: Өфө ҡалаһы, Интернациональ урамы, 113; Менделеев урамы, 205а; Күмертау ҡалаһы, Ғафури урамы, 35; Стәрлетамаҡ ҡалаһы, Октябрь проспекты, 71; Бәләбәй ҡалаһы, Революционерҙар урамы, 3; Туймазы ҡалаһы, Салауат Юлаев урамы, 69а; Нефтекама ҡалаһы, Төҙөүселәр урамы, 59; Октябрьский ҡалаһы, Кортунов урамы, 15; Ишембай ҡалаһы, Гагарин урамы, 1; Белорет ҡалаһы, Бишенсе июль урамы, 3; Сибай ҡалаһы, Горький урамы, 74к; Мәсәғүт ауылы, Игнатий Усов урамы, 3; Үрге Ҡыйғы ауылы, Совет урамы, 14; Талбазы ауылы, Ленин урамы, 113; Саҡмағош ауылы, Ленин урамы, 68; Ҡыҙылъяр ауылы, Киров урамы, 48; Приютово биҫтәһе, ВЛКСМ-дың 50 йыллығы урамы, 5а.