Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-7 °C
Болотло
Бөтә яңылыҡтар
Иҡтисад
11 Апрель 2017, 11:47

15 апрелдә Өфөлә тәүге дөйөм ҡала өмәһе ойошторола

Андрей Старостин
Андрей Старостин
ӨФӨ, 2017 йыл, 11 апрель. /«Башинформ» мәғлүмәт агентлығы, Ольга Мортазина/. 15 апрелдә Өфөлә тәүге дөйөм ҡала өмәһе ойошторола. Унда ойошмалар һәм предприятиеларҙың хеҙмәткәрҙәре ҡатнаша. Улар алдында ҡар өйөмдәрен таратыу, боҙ ырғытыу, ирегән ҡарҙың аҫтынан сүп-сар йыйыу бурысы тора. Йылы көндәр башланыу менән газондар ҡаҙырға, ағастарҙы эзбиз менән аҡларға һәм биләмәне сүп-сарҙан таҙартырға кәрәк буласаҡ. Санитар өмәләр ай аҙағына тиклем дауам итә.
Ҡала хакимиәтендә хәбәр итеүҙәренсә, Непейцев дендропаркында, Яҡутов исемендәге паркта, Еңеүҙең 50 йыллығы скверында һәм С. Юлаев исемендәге баҡсала өмәләр үткәреү күҙаллана. Ҡоро-һары, ҡарт ағастарҙы киҫеү, лапы һәм сүп-сар йыйыу бурысы тора. Торлаҡ-коммуналь хужалыҡ хеҙмәткәрҙәренә вайымһыҙ булмаған граждандар ҙа ҡушыла ала.
Дөйөм өмәләр «Ҡашҡаҙан» һәм Нефтехимиктар мәҙәниәт һәм ял парктарында, шулай уҡ Баландин бульварындағы, М.Рыльский урамындағы скверҙарҙа ойошторола.
Теги:өмәләр
Читайте нас в