Башҡортостан һәм Өфө яңылыҡтары
93.44
0
99.73
0
90.21
-0.33
2+ °C
Болотло
Бөтә яңылыҡтар
Иҡтисад
31 Март 2017, 11:11

Күмертау вертолет заводында 2019 йылға тиклем контракттар төҙөлгән

автор
автор
ӨФӨ, 2017 йыл, 31 март. /«Башинформ» мәғлүмәт агентлығы, Артем Вәлиев/. Күмертау авиация предприятиеһында етештерелгән вертолеттар менән тәьмин итеүгә килешеүҙәр ике йылға алда, 2019 йылға тиклем төҙөлгән. Был хаҡта журналистарға предприятиеның генераль директоры Юрий Пустовгаров хәбәр итте.
«Бөгөн предприятиеның иҡтисады тотороҡло, — тине Юрий Пустовгаров. — Беҙ төп эшмәкәрлектән табыш алабыҙ. Предприятие кәм тигәндә 2020 йылға тиклем ниәт-пландар ҡора».
2008 йылда завод бөлгөнлөк хәлендә 15 миллиард һумлыҡ бурыс менән «Рәсәй вертолёттары» холдингына инде. Хеҙмәткәрҙәргә һигеҙ ай буйына эш хаҡы түләнмәне. Федераль холдинг бурыстарҙы ҡапланы, һәм бөгөн Күмертау авиация етештереү предприятиеһының төп эшмәкәрлеге килемле кимәлгә сыҡты. Ысынында, әлегә предприятие тулы ҡеүәтенә эшләмәй.
«Ка-226 платформаһы — Күмертау авиация предприятиеһының моделле рәттәренең нигеҙе, Рәсәйҙә һәм донъяла бик популяр, — тине «Рәсәй вертолёттары» холдингының генераль директоры Андрей Богинский. — Беҙ ошо платформаның ҙур үҫеш перспективаларын күрәбеҙ».
Читайте нас: