Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
31 Март 2017, 10:42

Башҡортостанға эш сәфәре менән Ҡытайҙың Хубэй провинцияһы делегацияһы килгән

ӨФӨ, 2017 йыл, 31 март. /«Башинформ» мәғлүмәт агентлығы, Ольга Мортазина/. Башҡортостанға ике көнгә эш сәфәре менән Реформалар һәм төбәкте үҫтереү буйынса комитет етәксеһе урынбаҫары Лю Хайцзюн етәкселегендә Ҡытайҙың Хубэй провинцияһы делегацияһы килде.
Һөйләшеүҙәр барышында яҡтар иҡтисад, инвестиция климаты һәм сәнәғәтте үҫтереү торошо хаҡында мәғлүмәт менән алмашты, Янцзы йылғаһының урта ағымы һәм Волга буйы федераль округы төбәктәренең артабанғы хеҙмәттәшлеген киңәйтеү мәсьәләләрен тикшерҙе.
Ҡытай ҡунаҡтары республиканан башҡорт балын һәм игенде һатып алыуҙы ойоштороу менән ҡыҙыҡһына. Делегация составында сауҙа һәм инвестиция эшмәкәрлеге менән шөғөлләнеүсе Huahe International консалтинг компанияһы етәксеһе килгән. Компания Рәсәй биләмәһендә уртаҡ предприятиеларҙы булдырыу һәм инвестициялау өсөн объекттар эҙләү менән ҡыҙыҡһынған Хубэй провинцияһы предприятиеһын берләштерә. Һөйләшеүҙәр аҙағында Ҡытай делегацияһы республикаға рәсми сәфәр менән Хубэй провинцияһына барырға һәм хеҙмәттәшлек хаҡында килешеүҙәр төҙөү тураһындағы мәсьәләне тикшерергә тәҡдим итте, тип хәбәр иттеләр Башҡортостан Хөкүмәтендә.
Автор:Ольга Мортазина
Читайте нас: