Республикала торлаҡ-коммуналь хужалыҡ өлкәһендә «Асыҡ диалог» акцияһы уҙасаҡ

ӨФӨ, 2017 йыл, 22 март. /«Башинформ» мәғлүмәт агентлығы, Галина Бахшиева/. Башҡортостанда 24 мартта торлаҡ-коммуналь хужалыҡ өлкәһендә «Асыҡ диалог» исемле масштаблы акция уҙа. Ул Халыҡты көнкүреш хеҙмәтләндереү өлкәһе һәм торлаҡ-коммуналь хужалыҡ хеҙмәткәрҙәре көнөн байрам итеү сиктәрендә уҙғарыла.

Акцияны башлап ебәреүсе – Башҡортостандың Торлаҡ һәм төҙөлөштө күҙәтеү буйынса дәүләт комитеты.

Ведомствола билдәләүҙәренсә, ошо акция яҡшы йолаға әүерелде – иҫәп буйынса был өсөнсө «Асыҡ диалог».

«Асыҡ диалог» — торлаҡ милекселәре һәм идара итеүсе компаниялар араһында конструктив диалог майҙансығы. Күп фатирлы йорттарҙа йәшәүселәргә үҙҙәренең идара итеүсе компанияларҙың эше менән ентекләп танышыу, көнүҙәк һәм уларҙы ҡыҙыҡһындырған һорауҙарға тиҙ яуап алыу мөмкинлеге.

Акцияла Башҡортостандың Торлаҡ һәм төҙөлөштө күҙәтеү буйынса дәүләт комитеты, республиканың Торлаҡ-коммуналь хужалыҡ министрлығы, Төбәк операторы хеҙмәткәрҙәре, Башҡортостан Үҙәк йәмәғәт контроле вәкилдәре ҡатнашасаҡ.

Былтыр «Асыҡ диалог» барышында 500-ҙән ашыу кеше ҡабул ителде. Улар биргән һорауҙарҙың 90 процентын хәл итеп булды.

«Быйыл Башҡортостандың 20 муниципалитетынан 54 идара итеүсе компания алдағы «Асыҡ диалог»та ҡатнашырға теләк белдерҙе. Ғаризалар ҡабул ителә әле, — тип хәбәр итте Торлаҡ һәм төҙөлөштө күҙәтеү буйынса дәүләт комитетының матбуғат секретары Олеся Титух . — «Асыҡ диалог» экологик шәмбе өмәләре алдынан уҙғарыла. Шуға күрә кешеләрҙең идара итеүсе компаниялар менән берлектә йорттарҙың эргә-тирә биләмәләрен төҙөкләндереү буйынса мәсьәләләргә фекер алышыу мөмкинлеге бар».

Акцияла ҡатнашыуҙарын раҫлаған ойошмаларҙың исемлеге менән бында танышырға мөмкин.

Сара иртәнге 11-ҙән киске 5-кә тиклем бара.